Udalen Gardentasun Indizea 2014

(Adierazleak guztira: 80)

A) Informazioa Udal Bbatzari buruz

1.- Informazioa hautetsiei eta Udaleko langileei buruz

1.  Alkatearen eta Udaleko zinegotzien datu biografikoak zehazten dira.

2.  Alkatearen eta Udaleko zinegotzi bakoitzaren helbide elektronikoak zehazten dira.

3.  Alkatearen erakunde-agenda argitaratzen da (webguneko atal zehatz batean).

4.  Udaleko lanpostu zerrenda osorik argitaratzen da.

5.  Udaleko konfiantzazko karguen (postuen) zerrenda webguneko atal zehatz batean argitaratzen da, baita, horien ordainsariak ere (banakakoak zein kolektiboak).

6. Udalaren lan eskaintza publikoa argitaratzen da, baita horren garapena eta burutzapena ere.

2.- Informazioa Udalaren Ondare eta Antolaketari buruz

7.  Gobernu organoak eta horien zereginak zehazten dira (Gobernu Batzarra, Bozeramaileen Batza, Informazio- batzordeak, Osoko Bilkura) (baita auzoko edo barrutiko batzarrak ere, hala badagokio).

8. Organo deszentralizatuen, erakunde instrumentalen eta udal sozietateen oinarrizko datuak zehazten dira, baita bakoitzaren webguneen estekak ere.

9. Organo deszentralizatuetako, erakunde instrumentaletako eta udal sozietateetako lanpostuen zerrenda edo langileen plantilla osoa argitaratzen da eta berariaz adierazten dira dauden konfiantzazko karguak. (Getxo Kirolak, Musika Eskola, Udal Egoitza (eranskina), Kultur Etxea)

10. Tokiko Agenda 21 eta Plan Estrategikoa (edo Mapa Estrategikoa) onartuta eta argitaratuta daude.

11. Udalari atxikitako ibilgailu ofizialen zerrenda zehatza argitaratzen da (jabetzakoak edo alokatutakoak).

12. Udalaren Ondasun eta Eskubideen Inbentarioa argitaratzen da.

3.- Informazioa Udal erakundeei eta arauei buruz

Udal gobernu organoei buruzko informazio hau argitaratzen da:

13. Udal Batzen aurreko gai-zerrendak.

14. Udal Batzen akta osoak.

15. Gobernu Batzarraren erabaki osoak, eta Udal Batzak eskuordetuta diharduenean, akta osoak

16. Udal Batzaren Osoko bilkurak zuzenean jarrai daitezke webgunean eta bideoak bertan gordeta geratzen dira.

17. Kode etikoa edo gobernu onarena onartua eta argitaratua du Udalak (ahal dela, Espainiako Udalerrien eta Probintzien Federazioko talde politikoek aho batez onartutako Tokiko Gobernu Onaren kodeari egokitua).

18. Udalari (auziak, lana, etab.) eragiten dioten ebazpen judizialak (osorik edo edukietarako estekak) argitaratzen dira. (Horrelakorik egon ez bada, webgunean berariaz adierazi beharko da)

B) HARREMANAK HERRITARREKIN ETA GIZARTEAREKIN

1. Udalaren web-gunearen ezaugarriak

19. Gardentasunaren ataria (edo berariazko atala) jarri da Udalaren web-gunean

20. Udalaren webgunean erraz aurki daitekeen barne bilatzaile bat dago.

2. Informazioa eta arreta herritarrari

21. Hasierako orrian Udalaren web-gunearen mapa ikus daiteke.

22. Herritarrek eta erakundeek egindako galderei buruzko datuak argitaratzen dira.

23. Zerbitzuen katalogo orokorra argitaratzen da, baita erakundeko zerbitzuen eta ekipamenduen egoitzak ere, helbideak, jendeari arreta egiteko ordutegiak eta webgune edota helbide elektronikoen estekak adieraziz.

24. Eskumeneko prozedura administratiboen katalogo eguneratua argitaratzen da; bertan, adierazita daude xedea, izapideak, epeak, administrazio-isiltasunaren zentzua eta, kasuan kasu, dagokion inprimakia adierazita daude. Gainera, izapidetze elektronikoaren bidez egin daitezkeenak zehazten dira.

25. Trafikoaren egoerari eta trafiko mozketei buruzko informazioa ematen da webgunean, baita udal zerbitzuen gorabeherei buruzkoa ere.

26. Udalerriko ingurumenaren egoerari buruzko informazio eguneratuta (airearen kutsadura eta kutsadura akustikoa) jasotzen da web-gunean.

27. Udal talde politikoek euren iritziak eta proposamenak adierazteko espazio bat dago Udalaren web-gunean.

28. Udalerriko auzo elkarteentzako espazio bat dago webgunean, eta elkarte horiek egindako galderei eta proposatutako gaiei buruzko zerrenda argitaratzen da.

- Kirol elkarteak
- Euskararen alorreko elkarteak
- Gazteria elkarteak
- Berdintasun elkarteak
- Immigrazio elkarteak
- Lankidetzako elkarteak

29. Udalaren webgunean eztabaidarako foroak edo sare sozialen profilak daude: Facebook, Twitter, Getxo Kirolak, Auzoz Auzo.

3.- Herritarrekiko konpromiso-maila

30. Herritarrek Parte hartzeko Araudia dago eta argitaratu egiten da

31. Udal kontseiluak edota herritarrek parte hartzeko bestelako bideak daude (hiriaren foroa, hirigintzako gizarte kontseiluak...) eta horien gaineko informazioa eskaintzen da. Gainera, horien akordioak, txostenak edo proposamenak argitaratzen dira.

32. Udal aurrekontuak egiteko orduan herritarrei iradokizunak aurkezteko eta parte hartzeko aukera ematen zaie.

33. Udaleko zerbitzuen gutun bat edo batzuk daude eta horiei buruzko informazioa ematen da, baita bertan hartutako konpromisoen betetze-mailari buruzkoa ere (Gizarte Zerbitzuak eta Udal Artxiboa).

34. Emandako zerbitzuei buruzko inkesten emaitzak daude eta argitaratzen dira.

C) GARDENTASUN EKONOMIKO-FINANTZARIOA

1.- informazioa kontabilitateari eta aurrekontuei buruz

35. Udaleko osoko bilkurak, gobernu batzordeak, alkateak edo zinegotzi ordezkariak onetsitako aurrekontuen aldaketak argitaratzen dira

36. Organo deszentralizatuen, erakunde instrumentalen eta udal sozietateen aurrekontuak argitaratzen dira.

37. Zerga Erantzukizuneko Autoritate Independenteak aurrekontu egonkortasunari buruz egindako txostenak argitaratzen dira.

- 1/13 txostena
- 4/13 txostena
- 9/13 txostena
- 1/14 txostena
- 2/14 txostena
- 5/14 txostena eta eranskina
- 5/14 bis txostena
- 12/14 txostena
- 28/14 txostena
- 2/15 txostena
- 7/15 txostena
- 8/15 txostena
- 11/15 txostena

Finantza adierazle hauek argitaratzen dira:

38.* Autonomia fiskala (zergen diru-sarrerei aitortutako eskubide garbiak /aitortutako eskubide garbiak guztira).

39. Finantzatzeko gaitasuna edo beharra, aurrekontu egonkortasunari dagokionez (superabita edo defizita) (Aurrekontu-egonkortasunari eta finantza-iraunkortasunari buruzko Lege Organikoa)

2.- Gardentasuna Udalaren diru-sarreretan, gastuetan eta zorretan

Sarrerei eta gastuei buruzko adierazle hauek argitaratzen dira:

40.* Zergen diru-sarrerak biztanle bakoitzeko (zergen diru-sarrerak / biztanle kopurua).

41.* Biztanle bakoitzeko gastua (aitortutako betebehar garbiak / biztanle kopurua).

42.* Biztanle bakoitzeko inbertsioa (aitortutako betebehar garbiak- VI. eta VII. kap.- / biztanle kopurua).

43.* Kobratzeko batez besteko epea (kobratu gabeko eskubideak – I. kapitulutik III.era- x 365 / aitortutako eskubide garbiak).

44. Hornitzaileei ordaintzeko operazio komertzialetako berankortasunaren aurka borrokatzeko neurriei buruzko hiruhileko txostenak argitaratzen dira (HAP/2012/2015 Ministerioaren Aginduaren 16.7 artikulua) (Halakorik egon ezean, webgunean berariaz adierazi beharko da).

45. Finkatutako Udal zor publikoaren zenbatekoa argitaratzen da eta aurreko ekitaldiekin alderatuta zer eboluzio izan duen ere bai.

D) GARDENTASUNA ZERBITZUEN KOSTUETAN ETA KONTRATAZIOETAN

1.- Prozedurak zerbitzuak kontratatzeko

46. Informazioa ematen da Kontratazio-mahaiaren osaerari, izendatzeko bideei eta deialdiei buruz.

47. Kontratazio-mahaiaren aktak argitaratzen dira.

2.- Hornitzaileak eta zerbitzuen kostuak

48. Udaleko hornitzaile, esleipendun eta kontratista garrantzitsuenekin egin diren operazioen zerrenda edota zenbatekoa argitaratzen da.

49. Tasekin edo prezio publikoekin finantzatutako zerbitzuen benetako kostuari buruzko informazioa argitaratzen da.

E) GARDENTASUNA HIRIGINTZA, HERRI LAN ETA INGURUMEN ARLOAN

1.- Hiri antolamendurako planak eta hirigintzako hitzarmenak

50. Hiri-antolamenduko Plan Orokorra (HAPO) argitaratuta dago; baita plan hori zehazten duten mapak eta planoak ere.

51.  Ingurumenari buruzko Udal politikak eta programak argitaratzen dira, baita horien jarraipen-txostenak ere.

52.  Ingurumenaren eta paisaiaren gaineko eraginari buruzko azterlanak eta ingurumeneko elementuekiko arriskuaren ebaluazioak argitaratzen dira.

53. HAPOn onetsitako aldaketak eta onetsitako plan partzialak webgunean argitaratzen dira (eta argitaratuta mantentzen dira).

54. Udalaren hirigintzako hitzarmenei eta egikaritzen ari diren hirigintzako jarduketei buruzko informazio zehatza argitaratzen da.

55. Lurzoruaren erabilerei eta xedeei buruzko informazio zehatza argitaratzen da.

2.- Herri lanen iragarkiak eta lizitazioak

56. Udalaren hirigintzako kudeaketari buruz indarrean dagoen araudiaren gaineko informazio zehatza argitaratzen da.

57. Obra publikoen lizitazio-irizpideak, proiektuak eta pleguak argitaratzen dira.

58. Obrarik garrantzitsuenen proiektuen aldaketak, berritzeak eta osagarriak argitaratzen dira. Getxo Antzokia, Romo Kultur Etxea.

3.- Informazioa lehiatzaileei, eskaintzei eta ebazpenei buruz

59. Herri lanen lizitazioan parte hartu duten enpresen zerrenda argitaratzen da.

60. Herri lanik garrantzitsuenak egin dituzten enpresen izena argitaratzen da.

4. Herri lanak, Hirigintza eta Azpiegiturak

61. Abian diren azpiegitura lan garrantzitsu bakoitzari buruzko informazio zehatza argitaratzen da (lanaren helburuak eta Udal arduraduna; kontratista-arduradunak; aurrekontuaren zenbatekoa; egikaritzeko epea).

62. Informazioa egindako azpiegitura lanei buruzko informazioa (txostenak, jakiarazpenak, prentsa-oharrak, etab.) edota onetsita eta egikaritzeke daudenena aldian behin zabaltzen da (gutxienez sei hilean behin).

Adierazle hauek argitaratzen dira:

63. Azpiegituretan egiten den inbertsioa biztanleko: Azpiegituren inbertsioan (6. kapitulua) egindako ekitaldiko gastuak (burututakoak) / Biztanle kop.

64. Hirigintzako diru-sarreren proportzioa: hirigintzatik eratorritako diru-sarrerak / diru-sarrera guztiak.

F) GARDENTASUN LEGEAREN ADIERAZLEAK

1.- Udalaren plangintza eta antolaketa

65. Urteko eta urte ugariko planak eta programak argitaratzen dira; bertan, helburu zehatzak eta gauzatzeko aurreikusitako denbora, jarduerak zein baliabideak zehazten dira.

66. Organoetako arduradunak, funtzioak eta independentzia harremanak identifikatzeko aukera ematen duen organigrama eguneratu bat argitaratzen da.

67. Kontu-hartzailetzaren eta aholkularitza juridikoko organoen barne txostenak argitaratzen dira, behin betikoak direnean.

2.- Kontratuak, hitzarmenak eta dirulaguntzak

68. Egindako kontratu guztiak argitaratzen dira; bertan, xedea, lizitazioaren eta esleipenaren zenbatekoa, erabilitako prozedura, iragartzeko erabilitako bideak, prozeduran parte hartu duten lizitatzaile kopurua eta esleipendunen nortasuna adierazten dira.

69. Egindako kontratuen aldaketak argitaratzen dira.

70. Aldian-aldian (gutxienez hiru hilean behin) egindako kontratu txikiak argitaratzen dira, informazio zehatza emanez zenbatekoei eta esleipendunei buruz.

71. Datu estatistikoak argitaratzen dira, sektore publikoko kontratuen legerian aurreikusitako prozedura bakoitzaren bidez esleitutako kontratuen aurrekontu bolumenari dagokion ehunekoari buruz.

72. Egindako hitzarmenen zerrenda argitaratzen da eta bertan, sinatzaileak, xedea eta, kasuan kasu, adostutako betebehar ekonomikoak aipatzen dira.

73. Emandako dirulaguntzak eta laguntza publikoak argitaratzen dira, eta zenbatekoak, xedeak edo helburuak eta onuradunak adierazten dira.
- Gazteen intereseko jardueretarako dirulaguntzak
- Gizarte zerbitzuen erakunde laguntzaileei emandako dirulaguntzak
- Udalerriko kultura taldeei emandako dirulaguntzak
- Kirol jardueretarako dirulaguntzak
- Lankidetzarako proiektuen dirulaguntzak
- Euskara Sailaren dirulaguntzak
- Berdintasun Sailaren dirulaguntza
- Hezkuntza Sailaren dirulaguntzak

3.- Partaidetzako erakundeetako eta Udaleko goi-karguak

74. Udaleko goi-karguek (gutxienez, hautetsienek eta, hala badagokio, zuzendari nagusiek) eta partaidetzako erakundeetako arduradun nagusiek jasotzen dituzten ordainsariak argitaratzen dira.

- Getxo Kirolak
- Musika Eskola
- Udal Egoitza
- Kultur Etxea

75. Karguak uztea dela-eta, jasotako kalte-ordainak jakinarazten dira.

76. Udaleko goi-karguen Jardueren eta Ondasunen Interesen Erregistroa argitaratzen da (Toki Araubidearen Oinarriei buruzko Legean ezarrita dago).

4.- Informazio ekonomikoa eta aurrekontuen gainekoa

77. Higiezinen zerrenda argitaratzen da (bulegoak, lokalak, etab.), jabetzakoak, errentamendu erregimenekoak, okupatutakoak edota udalera atxikitakoak.

78. Udalaren aurrekontuak argitaratzen dira, aurrekontu partida nagusien azalpena eta betearazpen-egoerari buruzko informazio eguneratua emanez (gutxienez hiru hilean behin).

79. Udalaren kontu orokorra / urteko kontuak argitaratzen dira (balantzea, ondare ekonomikoaren emaitzen kontua, memoria eta aurrekontuaren likidazioa).  (C)

80. Kanpoko kontrol-organoek (Kontuen Auzitegiak edo Ganberak) kontu-auditorien eta fiskalizazio-auditorien txostenak argitaratzen dituzte, bai Udalarenak bai Udal sektore publikoko erakundeenak. (C)